23 июн 08:50
Янгиликлар

Теннис

Рожер Федерер Галледа финалга чиқди

Германиянинг Галле шаҳрида ўтказилаётган нуфузли ATP турнири ўз якуни сари яқинлашмоқда.

Сайёрамизнинг учинчи рақамли теннисчиси Рожер Федерер Noventi Open мусобақасининг финалига йўл олди. Швейцариялик теннис афсонаси ярим финал учрашувида франциялик Пьер-Юг Эрберга қарши кортга чиқди.

Федерер 1 соату 2 дақиқа давом этган баҳсда рейтингнинг 43-поғонасидан жой олиб турган рақибини 6/3, 6/3 ҳисобида мағлуб этди. Бу теннисчиларнинг ўзаро илк учрашуви эди. Федерер бугун финалда бельгиялик Давид Гоффинга қарши баҳс олиб боради.