Рожер Федерер Надалга қарши тўқнашув ҳақида гапирди

Хабар берганимиздек, дунёнинг учинчи ракеткаси ярим финал баҳсида рейтингда ўзидан бир поғона юқорида турган испаниялик Рафаэль Надалга қарши кортга чиқади. 

“Кимга қарши ўйин ўтказишингдан қатъий назар, ҳамиша ғалаба учун умид бор. Агар мухлислар учрашув натижасини олдиндан билишганида эди, улар аренага келишмаган бўларди. 

Рафа билан ўйингача етиб бориш осон иш эмас ва бу шунчаки бўлмайди. Мен ярим финалга қадар 5 та мураккаб учрашув ўтказдим. Надалга қарши баҳснинг ўтказилишидан хурсандман. 

Грунт қопламали турнирда зафар қучишни истасанг, албатта Надаль тўсиғидан ўтишинг керак. Агар Рафа билан учрашишдан қочганимда Парижга келиб ўтирмаган ҳам бўлардим”, - деди Федерер.