07 июл 06:51
Янгиликлар

Теннис

Рожер Федерер “Уимблдон”даги иштирокини давом эттиради

Буюк Британиянинг Лондон шаҳрида ўтказилаётган “Катта Дубулға” туркумига кирувчи Уимблдон турнири ўзининг қизғин палласига кирди.

Дунёнинг учинчи ракеткаси Рожер Федерер мусобақанинг нимчорак финал босқичига йўл олди. Швейцариялик 37 ёшли теннис афсонаси учинчи давра учрашувида рейтингнинг 28-поғонасидан жой олган франциялик Люка Пуйега қарши кортга чиқди.

Рожер 2 соату 5 дақиқа давом этган учрашувда 25 ёшли рақибини 7/5, 6/2, 7/6(4) ҳисобида мағлуб этди. Ҳар иккала теннисчи ҳам 6 тадан эйс зарбасини амалга оширишди. Ўзаро учрашувларда Федерер 2:0 ҳисобида олдинга чиқди. Энди Рожер нимчорак финалда италиялик Маттео Берреттинига қарши баҳс олиб боради.