Рожер Федерернинг Надалга қарши баҳсдаги иқрори

Кечаги учрашувда грунт қироли ҳисобланган Надаль азалий рақибини уч сетда мағлуб этиб, финалга йўл олган эди. 

“Шамол жуда ҳам кучли эсди. Вазият шу даражага бориб етдики, кўзимиз қумга тўлиб қолай деди. Хатто тўп кортга тушганига хурсанд бўлдим. Биринчи сетда шунчаки вазият ва ҳолатга мослашиш керак эди. Иккинчи сетни ўз айбим билан ютқаздим. Ҳисоб 2:0 бўлиб турган вазиятда ўз геймимни ютқазиб қўйдим. 

Рафанинг форхендлари жуда кучли, бэкхенд ҳам бехато ҳаракат қилади. Айниқса, кучли шамол пайтида унинг бўш қолдирган зоналарини топиш мен учун мушкул бўлди. Бу турнир ҳар қандай ҳолатда ҳам 20 йиллик фаолиятимдаги энг яхшиларидан бири бўлиб қолади”, - деди Федерер.