“Ролан Гаррос”. Амалдаги чемпион илк даврадаёқ мағлуб бўлди, бунақаси сўнгги бор 13 йил олдин кузатилганди

Хотин-қиз теннисчилар мусобақасининг илк даврасидаёқ кутилмаган натижа кузатилди. Турнирнинг амалдаги ғолибаси дунёнинг бешинчи ракеткаси Елена Остапенко чемпионлик ҳимоясининг биринчи учрашувидаёқ мағлубиятга учради. 

Латвиялик теннисчи дунё рейтингида 66-ўринни эгаллаб турган украиналик Катерина Козловага 5:7, 3:6 ҳисобида имкониятни бой бериб, мусобақа билан жуда эрта хайрлашди. 

Бу билан 20 ёшли Остапенко амалдаги чемпион сифатида биринчи даврада мағлубиятга учраган иккинчи теннисчига айланди. 2005 йили россиялик Анастасия Мискина ҳам чемпионлик ҳимоясининг илк баҳсида ютқазиб қўйганди.