28 май 09:09
Янгиликлар

Теннис

“Ролан Гаррос”. Бугун Денис Истомин кортга чиқади

Хабар берганимиздек, шу кунларда Париж шаҳрида теннис бўйича “Катта Дубулға” туркумига кирувчи “Ролан Гаррос” турнири давом этмоқда.

Бугун ушбу мусобақасининг асосий тўр баҳсларида иштирок этувчи ягона вакилимиз Денис Истомин кортга чиқади. Ўзбекистоннинг биринчи ракеткаси илк давра учрашувида испаниялик Роберто Баутиста-Агут билан тўқнаш келади.

Маълумот учун, Истомин айни пайтда дунё рейтингида роппа-роса 100, Баутиста-Агут эса 13-ўринни эгаллаб турибди. Теннисчилар шу кунгача ўзаро икки бор учрашишган ва уларнинг ҳар иккисида ҳам испан теннисчисининг қўли баланд келган. Истомин - Агут учрашуви Тошкент вақти билан соат 15:30да бошланиши белгилаб қўйилган.