31 май 18:52
Янгиликлар

Теннис

"Ролан Гаррос". Дунёнинг иккинчи ракеткаси сафдан чиқди

Сайёрамизнинг иккинчи рақамли теннис маликаси Каролина Плишкова Франция Очиқ чемпионатидаги иштирокини якунлади.

Чехиялик теннисчи "Ролан Гаррос" турнирининг учинчи даврасида хорватиялик Петра Мартичга қарши кортга чиқди. Бир соату 25 дақиқа давом этган баҳсда WTA рейтингида 31-поғонадан жой олган 28 ёшли Петра 27 ёшли рақибасини 6:3, 6:3 ҳисобида мағлуб этди.

Мартич Плишкова учун ноқулай рақиб ҳисобланади. Буни икки теннисчининг ўзаро учрашувларидаги ҳисоб ҳам тасдиқлайди - 4:1. Энди Петра Мартич тўртинчи даврада россиялик Вероника Кудерметова ҳамда эстониялик Кайя Канепи баҳс ғолибасига қарши кортга чиқади.