30 май 19:37
Янгиликлар

Теннис

Ролан Гаррос. Мария Саккарида кутилмаган мағлубият

Франция пойтахти Париж шаҳрида "Катта Дубулға" туркумига кирувчи "Ролан Гаррос" турнири давом этмоқда.

Сайёрамизнинг 30-ракеткаси Мария Саккари кутилмаганда иккинчи давра учрашувида мағлубият аламини тотиб кўрди. Грециялик теннис маликаси чехиялик Катержина Синяковага қарши кортга чиқди.

Саккари 3 соату 10 дақиқа давом этган баҳсда WTA рейтингида 42-поғонасида бораётган рақибасига 6/7(5), 7/6(8), 3/6 ҳисобида имкониятни бой бериб қўйди. Синякова French Open мусобақасининг учинчи раундида рейтинг пешқадами япониялик Наоми Осакага қарши баҳс олиб боради.