27 май 10:51
Янгиликлар

Теннис

Ролан Гаррос. Мугуруса ғалаба билан бошлади

Франция пойтахти Париж шаҳрида теннис бўйича “Катта Дубулға” туркумига кирувчи турнир давом этмоқда.

Аёллар ўртасидаги баҳсларда 19-рақам остида таснифланган Гарбин Мугуруса иккинчи босқич йўлланмасини қўлга киритди. Испаниялик теннис маликаси америкалик Тэйлор Таунсенддан устун келди - 5/7, 6/2, 6/2.

Учрашув бир дақиқаси кам икки соат давом этган. Энди 25 ёшли Гарбин иккинчи давра учрашувида швециялик Йоханна Ларссонга қарши кортга чиқади. Йоханна ўз ўрнида словакиялик Магдалена Рибариковани енгди - 6/3, 6/4.