"Ролан Гаррос". Свёнтек чемпионлик ҳимоясини давом эттиряпти

Сайёрамизнинг биринчи рақамли теннис маликаси Ига Свёнтек иккинчи даврада WTA рейтингида 102-поғонада бораётган америкалик Клэр Лиуни ортиқча қийинчиликсиз мағлубиятга учратди - 6/4, 6/0.

Теннисчиларнинг ўзаро учрашувларидаги ҳисоб йириклашди - 3:0. Бир соату 29 дақиқа давом этган баҳсда амалдаги "Ролан Гаррос" чемпиони ҳисобланган Свёнтек 1 та эйс, 6 та брейкка эришиб, 2 та қўшхатога йўл қўйди. 

Польшалик теннисчи 1/8 финал чиптаси учун Синь Ю Ванга қарши кортга чиқади. Хитойлик теннисчи иккинчи босқичда швециялик Ребекка Петерсондан 7/6(5), 6/2 ҳисобларида устун келди.