28 май 11:06
Янгиликлар

Теннис

Ролан Гаррос. Тўртинчи ракетка ғалаба билан бошлади

Франция пойтахти Париж шаҳрида "Катта Дубулға" туркумига кирувчи Ролан Гаррос турнири давом этмоқда.

Дунёнинг тўртинчи ракеткаси австриялик Доминик Тим илк даврада ATP рейтингида 131-поғонадан жой олиб турган америкалик Томми Полга қарши кортга чиқди. Икки соату 31 дақиқа давом этган баҳсда Тим 6/4, 4/6, 7/6(5), 6/2 ҳисобида зафар қучди.

Энди 25 ёшли Доминик Тим French Open турнирининг иккинчи даврасида қозоғистонлик Александр Бубликка қарши кортга чиқади. Бублик биринчи босқичда германиялик Рудольф Мёллекердан устун келди - 7/5, 6/7(4), 6/1, 7/6(2).