Roland Garros. Эшли Барти иккинчи даврага чиқди

Сайёрамизнинг саккизинчи рақамли теннис маликаси бўлиб турган Барти илк даврада америкалик Жессика Пегуладан устун келди - 6/3, 6/3. Учрашув роппа-роса бир соат давом этган. Пегула рейтингнинг 72-поғонасини эгаллаб турибди. 

Бу теннисчиларнинг ўзаро илк учрашуви эди. Энди 23 ёшли Эшли иккинчи босқич баҳсида германиялик Татьяна Мария ва америкалик Даниэль Коллинз учрашуви ғолибасига қарши кортга чиқади.