02 июн 14:22
Янгиликлар

Теннис

Roland Garros. Свитолинадан фарқли равишда Монфис 4-даврага чиқди

Франция пойтахти Париж шаҳрида давом этаётган "Катта Дубулға" туркумига кирувчи "Ролан Гаррос" турнирининг биринчи ҳафтаси ўз якунига етиб боряпти.

Дунёнинг 15-ракеткаси Гаэль Монфис Франция Очиқ чемпионатининг учинчи даврасида ғалабага эришди. Монфис рейтингнинг 146-поғонасидан жой олган ватандоши Антоан Хоанга қарши кортга чиқди ва ғалаба қозонди - 6/3, 6/2, 6/3.

Теннисчилар кортда роппа-роса икки соат ҳаракат қилишди. Бу ҳамюртларнинг ўзаро илк учрашуви эди. Энди 32 ёшли Монфис "Ролан Гаррос" турнирининг тўртинчи босқичида австриялик Доминик Тим ҳамда уругвайлик Пабло Куэвас баҳси ғолиби билан тўқнаш келади.