08 июл 17:28
Янгиликлар

Бокс/ММА

Роландо Ромеро ўз камарини Теофимо Лопесдан ҳимоя қилади

WBA йўналиши ярим ўрта вазн тоифасида жаҳон чемпиони Роландо "Ролли" Ромеро навбатдаги жангини америкалик машҳур боксчи Теофимо Лопесга қарши ўтказади.

Расман тасдиқланган маълумотларга кўра, чемпионлик жанги 22 август куни АҚШнинг Лас-Вегас шаҳридаги T-Mobile Arena мажмуасида бўлиб ўтади.

Жангда Ромеро ўзининг WBA чемпионлик камарини илк бор ҳимоя қилади.

Ромеро (17 ғалаба, 2 мағлубият, 13 нокаут) сўнгги марта 2025 йил май ойида Райан Гарсияни мағлуб этиб, WBA чемпионлик камарини қўлга киритган эди. Кейинчалик ҳамюртимиз Шаҳрам Ғиёсов, филиппинлик Мэнни Пакьяо ва АҚШ вакили Девин Хэйнига қарши эҳтимолий жанглар муҳокама қилинган бўлса-да, томонлар келишувга эриша олмаган.

Унинг рақиби Теофимо Лопес (22 ғалаба, 2 мағлубият, 13 нокаут) эса жорий йил бошида Шакур Стивенсонга имкониятни бой бериб, WBO чемпионлик камаридан маҳрум бўлган. Энди Лопес фаолиятида учинчи вазн тоифасида жаҳон чемпионига айланиш имконияти учун рингга чиқади.

Ҳавола :

Манба : Premier Boxing

Рейтинг: