05 ноя 12:33
Янгиликлар

Футбол

Роналду 30 ёшдан кейин урган голлар сонини 400 тага етказиб олди

Саудия Арабистони Про-лигасининг 12-турида "Ал Насср" "Ал Ҳалиж" жамоасини 2:0 ҳисобида мағлуб этди.

"Ал Наcср"нинг ўйиндаги илк голига португалиялик ҳужумчи Криштиану Роналду муаллифлик қилди. Бу 38 ёшли форварднинг 30 ёшга тўлганидан бери урган 400-голи бўлди. Умуман олганда, Роналду бутун фаолияти давомида 863 та гол урган.

Эслатиб ўтамиз, Саудия Арабистони Про-лигасининг жорий мавсумида Криштиану "Ал Наcср" сафида 11 та ўйинда майдонга тушиб, 12 та гол ва 6 та голли узатмага муаллифлик қилган. Португалиялик футболчи лиганинг айни пайтдаги энг яхши тўпурари бўлиб турибди.