Роналду: “Эҳтимол, бу менинг футболдаги сўнгги йилим бўлиши мумкин”

“Эҳтимол, бу менинг футболдаги сўнгги йилим ва мен ўзимдан кейин улкан мерос қолдиришни истайман.

Келажак учун барча режаларимни тузиб бўлганман.

Мени шунчалик банд қиладиган ишларим кўпки, улардан бирортасини алоҳида ажратиб кўрсатиш мушкул.

Чунки футбол тугагач, жуда катта бўшлиқ қолади ва бу вақтни фақат битта нарса билан эмас, турли машғулотлар билан тўлдириш керак бўлади.

Шунингдек, ҳаётдан кўпроқ завқ олиш, кўпроқ саёҳат қилиш, ўзим жуда севадиган падел ўйинини томоша қилиш ва ўйнаш ниятидаман.

Ва албатта, ўзим эришган ҳамда биз биргаликда қўлга киритган ютуқлардан баҳраманд бўлишда давом этаман.

Чунки якунда қараганда, бу фидойиликларга тўла 25 йиллик йўл бўлди”, – деди Роналду “Vogue” нашрига берган интервьюсида.

Роналду 41 ёшда, у Чемпионлар Лигасининг 5 карра ғолиби, Европа чемпиони ва Миллатлар Лигасининг 2 карра ғолиби ҳисобланади. Шунингдек, у миллий терма жамоалар, Европа чемпионатлари, Чемпионлар Лигаси ва Клублар ўртасидаги ЖЧ тарихидаги энг кўп гол уриш бўйича мутлақ рекордчидир.