Ронда Роузи қайтмоқда, унинг жанги расман тасдиқланди + ФОТО

Ронда Роузи ва Жин Карано бир-бири билан жанг учун Most Valuable Promotions баннери остида профессионал фаолиятини қайта тиклаяпти. Жанг 16 май куни Калифорниянинг Инглвуд шаҳрида бўлиб ўтади ва блогер-боксчи Жейк Пол ҳаммуаллифлик қиладиган MVP промоутерлик компанияси MMA бўйича биринчи турнирининг асосий тўқнашувига айланади. 

Ушбу турнирни илгари ҳеч қачон аралаш яккакураш жангларини намойиш этмаган Netflix стриминг платформаси трансляция қилади. Аёллар ўртасидаги супер жанг -145 фунт (65,8 кг) вазн тоифасида беш дақиқадан беш раундга мўлжалланган бўлиб, олти бурчакли "қафас"да бўлиб ўтади. Қолган кард жанглари тез орада эълон қилинади.

Маълумот учун, 43 ёшли Жин Карано 2009 йилда Strikeforce турнирида Крис Киборгга биринчи раунддаёқ техник нокаут билан мағлуб бўлган ва ўша чемпионлик жангидан сўнг аралаш яккакурашларни тарк этганди. 39 ёшли Ронда Роузи эса 2016 йилда Холли Холм ва Аманда Нуньес билан чемпионлик жангларида нокаутга учраб, фаолиятини якунлаган.