Россияда тўртта медаль қўлга киритган самбочиларимиз Ўзбекистонда тантанали кутиб олинди + ФОТО

Мусобақада жаҳоннинг 21 мамлакатидан 80 нафарга яқин спортчи совринли ўринлар учун кураш олиб борди. Мукофот жамғармаси 189 минг АҚШ долларини ташкил этувчи баҳсларда ўзбекистонлик самбочилар ҳам иштирок этиб, 4 та кумуш медаль қўлга киритишди. 

Мусобақада қатнашган терма жамоамиз вакилларимиз бугун эрталаб юртимизга қайтиб келишди. Спортчиларимиз Ислом Каримов номидаги Тошкент халқаро аэропортида спорт жамоатчилиги томонидан тантанали равишда кутиб олинди.  Кутиб олиш маросимида Ўзбекистон туризм ва спорт вазирлиги, Ўзбекистон Ички ишлар вазирлиги, Миллий гвардияси ва Ўзбекистон самбо ассоциацияси ходимлари иштирок этишди.  

Эслатиб ўтамиз, баҳсларда терма жамоамиз вакиллари ичида Ҳомиджон Мўминов (-64 кг), Сарбон Эрназаров (-71 кг), Улуғбек Раҳмонов (-79 кг) ва Ихтиёр Эшмуродов (-88 кг) финалгача етиб бориб, якунда кумуш медалга сазовор бўлишди.

Ўзбекистон самбо ассоциацияси матбуот хизмати