Россиялик собиқ жаҳон чемпиони профессионал боксдаги фаолиятини якунлади

Бу қарор германиялик Артур Маннга қарши хайрлашув жангидан сўнг эълон қилинди.

Ковалёв ушбу жангда еттинчи раунддаги нокаут орқали ғалаба қозонди.

Сергей 2013—2016, 2017—2018, 2019 йилларда WBO, 2014—2016 йилларда WBA Super ва IBF йўналишлари бўйича ярим оғир вазн чемпиони бўлган. У 2014 йилда The Ring, WBO, Sports Illustrated ва USA Today нашрлари томонидан йилнинг энг яхши боксчиси деб тан олинган. 

Шунингдек, The Ring нашри талқинига кўра, 2015 йилнинг 2 ноябридан 2016 йилнинг 19 ноябригача ва 2017 йилнинг 22 мартидан 17 июнигача Pound for Pound рейтингида иккинчи ўринни эгаллаган. У The Ring талқини бўйича йил боксчиси деб топилган биринчи россиялик ҳисобланади.