Россияликларда яна виза муаммоси. Бу гал Волковнинг жамоасида

"Александр ҳозир АҚШда. У ўзини яхши ҳис қиляпти, ҳаммаси жойида. Афсуски, мураббийлар штаби виза йўқлиги сабаб океан ортига уча олмайди. Александр бу жангга рози бўлганида, у ерга бир ўзи учиши мумкинлигини тушунган.

Волковнинг бурчагида Чейк Конго, қолаверса, кўплаб UFC жангчиларининг мураббийи ҳисобланган Кенни Жонсон ва Тики Госн бўлади. Тики Дана Уайтнинг яқин дўсти.

Ўзи ҳам аввал UFC'да иштирок этган. Александрнинг Bellator'даги дастлабки икки жангида ҳам мен виза туфайли қатнаша олмаганман, ўшанда айнан Тики Алексга зарбалар техникаси бўйича ёрдам берган", - деди Кияшко.

Аввалроқ, Александр Волков ва Жаирзиньо Розенстрайк ўртасидаги жанг 5 июнь куни бўлиб ўтиши ҳақида хабар берган эдик.