"Ростини айтаман...". Даниэль Кормье Чимаев ҳақидаги фикри ўзгарганини айтди

"Хамзат яримоғир вазнга ўтишга қизиқиш билдирганида, мен шубҳа билан қарагандим. У ерда ундан анча йирик жангчилар бор, деб ўйлагандим. Аммо кейин унинг Халил Раунтри билан спарринг видеосини кўрдим. Орқа қисми жуда бақувват кўринди — у аллақачон яримоғир вазн жангчисига ўхшайди. Кейин унинг Люк Рокхолд (ҳозир 227 фунт, тахминан 103 кг) билан ишлаётган видеосини кўрдим. Хамзат Люкдан кам эмас, балки ҳатто каттароқ кўринади.

Мен мутахассисман ва Раунтри каби ажойиб зарбачи билан тик туришда зарба алмаштираётганини кўрдим. Люк билан тепки алмаштирганда ҳам зарбалар кучи тенг эди. Ростини айтаман: унинг яримоғир вазнда жанг қилолмаслиги учун сабаб кўрмаяпман. Мен аста-секин унинг бу дивизионда ҳам жанг қила олишига ишона бошладим", — деди Кормье ўз YouTube-каналида.