Rothesay International. Эмма Радукану ғалаба билан бошлади

Мезбонлар вакиласи Эмма Радукану ўз ватанидаги турнирни ғалаба билан бошлаб олди. WTA рейтингида 168-поғонада бораётган Эмма дунёнинг 45-ракеткаси бўлиб турган америкалик Слоан Стивенсга 4 тагина гейм ютиб олиш имконини берди, холос - 6/4, 6/0.

Теннисчиларнинг ўзаро иккинчи учрашувида ҳам Радукану ғалаба қозонди. Етмиш етти дақиқа давом этган баҳсда Эмма 5 та эйс, 6 та брейкни амалга ошириб, 2 та қўшхатога йўл қўйди. Энди у Rothesay International 1/8 финалида америкалик Жессика Пегулага қарши кортга чиқади.