29 май 15:32
Янгиликлар

Теннис

Сабина Шарипова ғалаба билан бошлади

Таиланднинг Нонтабури шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақада ҳамюртимиз Сабина Шарипова ҳам иштирок этяпти. Теннисчимиз турнирда биринчи рақам остида таснифланган.

Шарипова яккалик баҳсларининг илк даврасида австралиялик Алана Парнабига қарши кортга чиқди ва рақибасини 7:6(5), 6:2 ҳисобида мағлуб этди. Энди Сабина иккинчи босқичда ҳиндистонлик Рия Бхатияга қарши баҳс олиб боради.