01 авг 12:41
Янгиликлар

Теннис

Сабина Шарипова иккинчи учрашувини ўтказди

Таиланднинг Нонтабури шаҳрида теннис бўйича ITF тоифасига кирувчи турнир бўлиб ўтмоқда.

Соврин жамғармаси 25 000 АҚШ долларини ташкил қилувчи мусобақада ҳамюртимиз Сабина Шарипова ҳам иштирок этяпти. Мамлакатимизнинг биринчи ракеткаси турнирда олтинчи рақам остида сараланган.

Ҳозиргина мамлакатимизнинг биринчи ракеткаси иккинчи давра учрашувини якунлади. Сабина 1 соату 14 дақиқа давом этган баҳсда таиландлик Супапитч Куэарумни 6:3, 6:2 ҳисобида мағлубиятга учратди.

Энди Шарипова чорак финалда япониялик Мичика Озекига қарши кортга чиқади. Турнирнинг асосий тўрида имтиёзли йўлланма асосида қатнашаётган Мичика иккинчи босқичда шов-шувли тарзда учинчи ракетка, хитойлик Фанг Ксун Йингни 6:2, 3:6, 7:5 ҳисобида доғда қолдирди.