31 май 10:45
Янгиликлар

Теннис

Сабина Шарипова Таиландда ярим финалга чиқди

Мамлакатимизнинг биринчи ракеткаси Сабина Шарипова Таиланднинг Нонтабури шаҳрида ўтказилаётган турнирдаги юришини давом эттирмоқда.

Бироз аввал ҳамюртимиз мусобақанинг 1/4 финал доирасидан ўрин олган ўз ўйинини якунлади. Ушбу баҳсда ҳамюртимизга таиландлик Чомпутип Жундакате рақиблик қилди.

Учрашувда деярли қийинчиликка учрамаган Сабина мезбон теннисчини 6:1, 6:3 ҳисобида таслим этди. Турнирнинг биринчи ракеткаси бўлган Шарипованинг финал остонасидаги рақибаси туркиялик Ипек Сойлу бўлади.

Таққослаш учун, 23 ёшли Ипек рейтингнинг 503-поғонасидан жой олган. 25 ёшли Сабина эса WTA рейтингида 169-ўринни банд этган. Бугун Шарипова чорак финалда швейцариялик Симона Вальтертни 6:3, 6:2 ҳисобида енгди.