26 июн 00:09
Янгиликлар

Теннис

Сабина Шарипова “Уимблдон”да кучли рақибасини мағлуб этди

Лондон шаҳрида “Катта Дубулға” туркумига кирувчи “Уимблдон” турнирининг саралаш баҳслари старт олди.

Мусобақанинг хотин-қиз теннисчилар ўртасидаги баҳсларида ягона вакиламиз Сабина Шарипова ҳам иштирок этяпти. Мамлакатимизнинг биринчи рақамли теннис маликаси бундан бир неча дақиқа аввал саралашнинг биринчи давра учрашувида кортга чиқди.

Шарипованинг илк босқичдаги рақибаси словакиялик Кристина Куцова бўлди. Сабина WTA рейтингида 215, Кристина эса 149-ўринни эгаллаб турибди. Рейтингдаги тафовутга қарамай, Шарипова кучли рақибасини мағлуб этишнинг уддасидан чиқди. Икки соату 8 дақиқа давом этган баҳсда Сабина 6:1, 3:6, 7:5 ҳисобида зафар қучди.