17 апр 16:49
Янгиликлар

Теннис

Сабина Шарипова Хитойдаги мусобақани ғалаба билан бошлади

Теннисчимиз Сабина Шарипова Хитойнинг Чжэнчжоу шаҳрида мукофот жамғармаси 125 000 АҚШ долларини ташкил қилувчи мусобақада иштирок этмоқда.

Бугун теннисчимиз турнирдаги илк ўйинини ўтказди. Биринчи босқичда у таиландлик Пеангтарн Плипуэкка қарши кортга чиқди.

2 соат 9 дақиқа давом этган баҳсда Сабина 4:6, 6:2, 7:6 ҳисобларида ғалаба қозонди ва иккинчи даврага йўл олди.

Энди у иккинчи даврада мезбон теннисчи, Ван Яфанга қарши кортга чиқади. Яфань мусобақада тўртинчи рақам остида сараланган.

Маълумот учун, Сабина дунё рейтингида 184, Ван эса 98-ўринларни эгаллаб турибди.