05 июл 10:15
Янгиликлар

Теннис

Саидаъло Қозондаги турнирнинг жуфтлик баҳсида чорак финалга чиқди

Россиянинг Қозон шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.

Мусобақа иштирок этаётган ҳамюртимиз Саидаъло Саидкаримов яккаликдан сўнг жуфтлик баҳсларида ҳам ғалабага эришди. Россиялик Маркос Каловелонис билан тандем ҳосил қилган вакилимиз чорак финалга чиқди.

Саидъало ва Маркос гватемалалик Вильфредо Гонсалес ҳамда россиялик Александр Королев жуфтлигини 6:3, 6:7(7), тай-брекда 10:6 ҳисобида мағлуб этишди. Бугун улар ярим финал чиптаси учун турнирнинг учинчи рақамли жуфтлигига қарши кортга чиқишади.