30 июл 16:02
Янгиликлар

Теннис

Саидъало Телавидаги турнирда иккинчи даврага чиқди

Грузиянинг Телави шаҳрида теннис бўйича "Фьючерс" туркумига турнир бўлиб ўтмоқда.

Соврин жамғармаси 15 000 АҚШ долларини ташкил этувчи мусобақанинг асосий тўрида уч нафар теннисчимиз ҳам ўз имкониятини синовдан ўтказяпти. Иккинчи рақам остида таснифланган Саидаъло Саидкаримов бироз аввал илк даврада россиялик Ян Сабанинни 7:6(2), 6:3 ҳисобида мағлуб этди.

Эслатиб ўтамиз, бир неча дақиқа аввал икки ҳамюртимиз Жўрабек Каримов ва Олимжон Набиев ўртасидаги илк давра учрашуви якунланганди. Унда тажрибали ҳисобланган Жўрабек ғалаба қозонган эди.