Саккарининг Сан-Хоседаги юриши давом этмоқда

Дунёнинг 30-ракеткаси Мария Саккари Mubadala Silicon Valley Classic турнирининг чорак финалига йўл олди. Грециялик теннисчи иккинчи босқич учрашувида япониялик Мая Хибига қарши кортга чиқди. 

Учрашувда Саккари рейтингнинг 265-поғонасидан жой олиб турган рақибасини уч сетда мағлуб этди - 4/6, 6/4, 6/2. Энди Мария Сан-Хосе турнирининг чорак финалида украиналик Элина Свитолинага қарши баҳс олиб боради.