Салим Абдувалиевга Усикнинг дастхати қўйилган қўлқоплари топширилди + ФОТО

Шу муносабат билан ўтган давр мобайнида Ўзбекистонда олимпия ҳаракатига ўз ҳиссасини қўшган спортимиз фидоийлари МОҚ томонидан эсдалик совғалари билан тақдирланди. Улар орасида Ўзбекистон Миллий олимпия қўмитаси раис ўринбосари, Ўзбекистон спорт курашлари ассоциацияи раиси Салим Абдувалиев ҳам бор. 

МОҚ бош котиби Ойбек Касимов ҳамда МОҚ раиси ўринбосари, Осиё бокс конфедерацияси вице-президенти Сакен Полатов Ўзбекистонда хизмат кўрсатган мураббий Салим Киргизбаевичга МОҚ 30 йиллигини эслатиб турувчи эсдалик совғаларини тақдим этишди. 

Шунингдек, Украина бокс федерацияси президенти Владимир Продивус Салим Абдувалиевга ҳаваскор боксда Олимпиада чемпиони, биринчи оғир вазнда мутлақ жаҳон чемпиони, супероғир вазнда тўртта чемпионлик камарлари соҳиби Александр Усикнинг дастхати қўйилган қўлқопларини топширди.