Самарқанд “Челленжер”. Турнир ғолиби қанча ишлаб олиши мумкин?

Мусобақанинг соврин жамғармаси 75 000 АҚШ долларини ташкил қилади. Шундан ғолиб теннисчи 10 800 доллар мукофот пули аҳамда 90 рейтинг очкосига эга бўлади. Вице-чемпион 6 360 доллар ҳамда 55 рейтинг очкосига бойиб олади. 

Ярим финалга етиб келган теннисчиларнинг ҳар бири 3 765 доллар мукофот жамғармаси ҳамда 33 рейтинг очкосини қўлга киритшади. Чорак финалчилар 2 190 доллар ва 17 очкога эга бўлишади. Иккинчи босқичга чиққанларга 8 рейтинг очкоси ҳамда 1 290 доллар тақдим этилади. 

Эслатиб ўтамиз, 1996 йилдан бери ўтказиб келинаётган Самарқанд “Челленжер” турнирида ўз вақтида ҳамюртларимиздан Олег Огородов, Денис Истомин ва Фаррух Дўстовлар бош мукофот соҳибига айланишганди. 

Бу йилги мусобақада мамлакатимизнинг биринчи ракеткаси Денис Истомин ҳам иштирок этади. Биринчи рақам остида таснифланган ҳамюртимиз илк даврада аргентиналик Педро Качинга қарши кортга чиқади. Мессининг ватандоши дунё рейтингида 289-ўринни эгаллаб турибди.