17 апр 15:52
Янгиликлар
Самбо. Самарқанддаги Ўзбекистон чемпионатида фахрийлар беллашуви
Хабар бериб ўтганимиздек, 14-16 апрель кунлари Самарқанд шаҳрида самбо бўйича ўсмирлар, ўсмир қизлар ва фахрийлар ўртасида Ўзбекистон чемпионати бўлиб ўтди.
Яхши биласиз, спортда фахрийлар ўртасида беллашувлар камдан-кам ўтказилади. Аммо самбода спорт фахрийларига бу борада ёшликни эсга олиш, ўз кучларини синовдан ўтказиб олиш учун имкониятлар берилади.
Ортда қолган Ўзбекистон чемпионати ҳам фахрийларга эътиборнинг исботи десак муболаға бўлмайди.
Қайд этиш лозимки, Самарқанддаги Ўзбекистон чемпионати 7 та ёш, 6 та вазн тоифасида ўтказилди. Баҳсларда умумий ҳисобда 152 нафар фахрий самбочи кураш олиб борди.
Баҳслар қуйидаги ёш тоифаларида ташкил этилди:
35-39 ёш, 40-44, 45-49, 50-54, 55-59, 60-64 ҳамда 65 ёш ва ундан катталар.
Улар -64 кг, -71 кг, -79 кг, -88 кг, -98 кг ва + 98 кг вазн тоифаларида курашишди.
Мусобақа якунига кўра, ғолиб ва совриндорларга диплом ҳамда медаллар тақдим этилди.
Ҳавола :
Манба : t.me/uzbekistan_sambo
Фикрлар