30 июл 15:05
Янгиликлар

Теннис

Санжар Файзиев ғалаба билан бошлади

Хабар берганимиздек, Таиланднинг Нонтабури шаҳрида "Фьючерс" туркумига кирувчи турнир бўлиб ўтмоқда.

Соврин жамғармаси 25 000 АҚШ долларини ташкил қилувчи мусобақада икки теннисчимиз юртимиз шарафини ҳимоя қиляпти. Сергей Фоминдан сўнг Санжар Файзиев ҳам ғалабага эришди.

Турнирнинг иккинчи ракеткаси бўлган Файзиев ҳозиргина якунига етган учрашувда италиялик Эмиллиано Мажжиолидан устун келди. Санжар 1 соату 24 дақиқа давом этган биринчи давра баҳсида рақибини 6:2, 6:3 ҳисобида енгди.