03 авг 10:58
Янгиликлар

Теннис

Санжар Файзиев Нонтабурида финалга чиқди

Таиланднинг Нонтабури шаҳрида “Фьючерс” туркумига кирувчи турнир бўлиб ўтмоқда.

Соврин жамғармаси 25 000 АҚШ долларини ташкил қилувчи мусобақада муваффақиятли тарзда иштирок этаётган ҳамюртимиз Санжар Файзиев ҳал қилувчи финал учрашувида қатнашиш ҳуқуқини қўлга киритди.

Ҳозиргина якунига етган ва 1 соату 16 дақиқа давом этган ярим финал учрашувида турнирнинг иккинчи ракеткаси бўлган Файзиев Хитой Тайпейи вакили Йу Хсуни 6:2, 6:2 ҳисобида мағлубиятга учратди.

Санжарнинг бош соврин учун баҳсдаги рақиби япониялик Рента Токудо бўлади. Турнирнинг биринчи ракеткаси бўлган Токудо ярим финал баҳсида ватандоши Шинтаро Имаини 6:4, 7:5 ҳисобида таслим этди.