14 апр 20:46
Янгиликлар

Теннис

Санжар Файзиев Қозоғистондаги турнир ғолиби бўлди

Қозоғистоннинг Чимкент шаҳрида теннис бўйича эркаклар ўртасида мукофот жамғармаси 25 000 АҚШ долларини ташкил этувчи мусобақа якунланди.

Қувонарлиси, турнирнинг жуфтлик баҳсларида иштирок этган Санжар Файзиев турнир ғолибига айланди. У мусобақа давомида украиналик Владислав Манафов билан бирга иштирок этди. Ҳал қилувчи финалда улар Бондаренко (Россия) / Лиутаревич (Беларусь) тандемига қарши ўйин ўтказишди.

58 дақиқа давом этган ўйинда Санжар ва унинг дўсти 6:2, 6:1 ҳисобида ғалаба қозонди ва турнир ғолибига айланди.

Турнирнинг яккалик баҳсларида бош соврин россиялик Роман Сафиуллинга насиб қилди.