Санжар Раҳмонов навбатдаги жангини тажрибали боксчига қарши ўтказади

Биринчи яримўрта вазн тоифасида ўзбекистонлик профессионал боксчи Санжар Раҳмонов фаолиятидаги навбатдаги жангини ўтказиш арафасида.

Ҳамюртимиз 7 май куни Америка Қўшма Штатларининг Техас шаҳрида рингга кўтарилади. Frisco аренаси мезбонлик қиладиган бокс оқшомининг марказий жанги айнан Санжар Раҳмонов иштирокида ўтиши кутилмоқда. Чарм қўлқоп устамизга ўша куни америкалик кучли ва тажрибали боксчи — Энтони Петерсон рақиблиқ қилади.

Раҳмонов икки йилдан буён жангларда иштирок этмаётганди. Аммо Санжар бу йилни фаол бошлади ва март-апрель ойининг ўзида учта жангда иштирок этди. Бироқ бу жангларнинг профессионал рекордга киритилмаганини таъкидлаш лозим.

Санжар шу кунгача проф боксда 17 та жанг ўтказиб, уларнинг 13 тасида ғалаба қозонган, учта жангда мағлуб бўлган ва яна бирида дуранг қайд этилган.

Энтони Петерсон эса фаолияти давомида 41 та жангда иштирок этган. Америкалик боксчи бу жангларнинг 39 тасида ғалаба қозонган бўлса, бир маротаба мағлуб бўлган ва битта жангида дуранг қайд этилган.