Санжар Раҳмонов ўзининг навбатдаги жангини ўтказди

Ушбу баҳсда боксчимизга америкалик Жонатан Стил рақиблик қилди. Жанг саккиз раундга мўлжалланганди. Тўқнашув тўлиқ давом этди ва ғолиб очколар ҳисобига кўра аниқланди. Ҳар уччала ҳакам ҳам жангда Санжар Раҳмоновнинг ғалаба қозонганини қайд этди (77:75, 77:75, 78:74).

Маълумот учун бу боксчимизнинг профессионал фаолиятидаги 13-жанги бўлди. Раҳмонов уларнинг 11 тасида ғалаба қозонган (5 таси нокаут билан). Битта жангда дуранг ва яна бирида мағлубият қайд этган.

Жонатан Стил эса профессионал боксдаги 11-жангида рингга кўтарилди. Ушбу жангларининг 8 тасини ғалаба билан якунлаган (6 таси нокаут). Бугун у фаолиятидаги иккинчи мағлубиятини қабул қилиб олди. Яна битта жангда эса дурангга рози бўлган.