10 авг 19:21
Янгиликлар

Бокс/ММА

Санжар Зокиров эртага ONE FC'да жанг қиладиган бўлди, у 17 август куни Россияда ҳам октагонга кўтарилади...

Эртага Таиланд пойтахти Бангкок шаҳрида жойлашган Lumpinee Boxing Stadium'да ONE Friday Fights 28 мусобақаси бўлиб ўтади.

Мазкур мусобақа доирасида ўта енгил вазн тоифасида ўзбекистонлик аралаш яккакураш устаси Санжар Зокиров (4-0) ҳам октагонга кўтарилади. Бу ҳақида унинг мураббийи Жасур Анорбоев маълум қилди. Зокиров филиппинлик Давид Банггуйгуи (9-1-0) билан жанг қилади. 3 раундлик жанг прелим кард доирасида ўтказилади.

Мусобақа эртага Тошкент вақти билан 17:30 да старт олади. Санжарнинг жанги эса 18:00 да старт олиши кутилмоқда.

Қизиғи, Санжар Зокиров 17 август куни Россияда Россиядаги ACA Young Eagles 39 турнирида Ислам Кончиевга қарши жанг қилиши хақида хабар берилган.