Санжар Зокиров иштирокидаги жанг муддатидан аввал якунланди

Биз учун аҳамиятлиси, оқшом доирасида ёш аралаш яккакураш устамиз Санжар Зокиров ҳам ўзининг навбатдаги жангини ўтказади. Lumpinee Boxing Stadium мажмуасида ташкил этилган турнирда Зокировга Индонезия вакили Эко Рони Сапутра рақиб бўлди. 

Жанг ММА қоидалари бўйича 3 раунд этиб белгиланганди. Зокиров иккинчи раундда кетма-кет зарбалар натижасида рақибини нокаутга учратди. Бу 21 ёшли ҳамюртимизнинг фаолиятидаги 14-ғалабаси бўлди. Ҳисобида мағлубият ҳам, дуранг ҳам йўқ. Бугунги ғалабаси уни UFC лигасига яқинлаштирган бўлса не ажаб. 33 ёшли Эко Рони Сапутра эса бугун тўртинчи мағлубиятини қабул қилиб олди. Ҳисобида 7 ғалаба ҳам бор.