14 авг 16:22
Янгиликлар

Оғир атлетика

Сарварбек Зафаржонов Ислом бирдамлиги ўйинлари мутлақ чемпиони! + ФОТОГАЛЕРЕЯ

Туркиянинг Конья шаҳрида V Ислом бирдамлиги ўйинлари давом этмоқда.

Мусобақада оғир атлетикачиларимиз ҳам муваффақиятли иштирок этмоқда.

Ҳозиргина -89 кг вазн тоифасидаги баҳслар якунланди.

Қувонарлиси, ушбу вазнда юртимиз шарафини ҳимоя қилган Сарварбек Зафаржонов 3 та олтин медаль соҳибига айланди.

Даст кўтариш машқида 167 кг билан Ислом бирдамлиги ўйинлари рекордини ўрнатган Зафаржонов энг яқин таъқибчисини 5 кгга ортда қолдириб, олтин медални қўлга киритди.

Силтаб кўтариш машқида эса 199 кг тошни ўзига бўйсундирган спортчимиз иккинчи олтин медални ҳам ўзиники қилди.

Икки кураш натижасига кўра 366 кг натижани қайд этган Зафаржонов катта олтин медалига эга чиқди.

Сарварбек Зафаржоновнинг чиқишидан ва тақдирлаш маросимидан олинган суратларни томоша қилинг.

Суратлар муаллифи: Анвар Ильясов