Саудия Арабистонида ўтказиладиган турнирга қуръа ташланди

Diriyah Tennis Cup мусобақасида Даниил Медведев, Андрей Рублёв, Стефанос Циципас каби теннис юлдузлари иштирок этади. Айнан Циципас турнирнинг биринчи ракеткаси сифатида сараланган. Грециялик теннисчи қуръа натижасига ўз иштирокини тўғридан-тўғри 1/4 финалдан бошлайди ва бу босқичда британиялик Кэмерон Норри ёки австралиялик Ник Киргиосга қарши кортга чиқади.

Иккинчи рақам остида таснифланган россиялик Даниил Медведев ҳам 1/4 финалдан баҳсларга киришади. У австриялик Доминик Тим ва германиялик Александр Зверев учрашуви ғолиби билан тўқнаш келади. Учинчи ракетка Андрей Рублёв эса швейцариялик Стэн Вавринка ёки италиялик Маттео Берреттини билан куч синашади.

Тўртинчи рақам остида сараланган америкалик Тэйлор Фритцнинг 1/4 финалдаги рақиби польшалик Хуберт Гуркач ҳамда швейцариялик Доминик Штрикер учрашувидан сўнг аниқланади.