12 июн 11:27
Янгиликлар

Футбол

Саудия Арабистонликлар яна бир топ мураббийни Лигага олиб келишмоқчи

Бу ҳақда журналист Сача Таволиери Х (собиқ Twitter) ижтимоий тармоғида хабар берди.

Саудия Арабистони ПИФ (суверен бойлик жамғармаси) Франция терма жамоаси бош мураббийи Дидье Дешамга ЖЧ-2026дан кейин иш таклиф қилди.

Манба берган хабарга кўра, ПИФ вакиллари франциялик мутахассисни маҳаллий лигадаги жамоалардан бирининг бошқарувида кўришни хоҳлашмоқда. Қайд этилишича, мураббий бу қизиқишдан мамнун бўлган, бироқ айни дамда бутун эътиборини терма жамоа билан ишлашга қаратган.

Дешам Франция терма жамоасини 2012 йилдан буён бошқариб келмоқда, 2018 йилда эса французлар билан жаҳон чемпионатида ғалаба қозонганди. Мутахассиснинг Франция футбол федерацияси билан шартномаси ЖЧ-2026 якунигача ҳисобланган.