Сайсай Сан-Хоседа бош совринга эга чиқди

Хитойлик теннисчи кутилмаганда сайёрамизнинг 10-ракеткаси бўлиб турган беларуслик Арина Соболенкони мағлуб этишнинг уддасидан чиқди. Сайсай 1 соату 45 дақиқа давом этган баҳсда кучли рақибасини 6/3, 7/6(3) ҳисобида енгди. 

Эътиборлиси, 25 ёшли хитойлик теннисчи ўзаро учрашувларда иккинчи бор 21 ёшли Соболенкони таслим этди. Mubadala Silicon Valley Classic турниридаги муваффақиятли иштирок Сайсайга 470 рейтинг очкоси ҳамда 151 070 доллар мукофот пули келтирди.