Сен-Пьер Дана Уайт Хабиб борасида ёлғон гапирганини айтди

"Хабиб фаолиятини якунлагандан сўнг Дана менга қўнғироқ қилди ва "у билан жанг қилиш қизиқми?" деб сўради. Бу менга ғалати туюлди. Мен ишонмадим. Ундан сўрадим: “Хабиб ростдан ҳам бу жангни хоҳлаяптими?” У “ҳа” деб жавоб берди. Мен эса ўйлаб кўраман дедим. Кейин Али Абделазизга қўнғироқ қилдим, у эса бу рост эмаслигини айтди", — деди у Ариэль Хелванига берган интервьюсида.

"Биз биринчи марта UFC'дан бу жангни ташкил қилишни сўраганимизда, улар рози бўлмаган. Хабиб кетганидан кейин Дана буни уюштиришга уриниб кўрди. Чунки иккимиз ҳам нафақадамиз ва у бизни қайтармоқчи бўлди. Агар Хабиб рози бўлганида мен ҳам рози бўлардим. Менда бошқа илож қолмасди", - деди Сен-Пьер.

Эслатиб ўтамиз, Сен-Пьер 2019 йил февралда, Хабиб эса 2020 йил октябрда фаолиятини расман якунлаган.