Серена Уильямс бош соврин учун курашни давом эттиради

Америкалик теннисчи учинчи давра учрашувида рейтингнинг 17-поғонасидан жой олган германиялик Юлия Гёргесга қарши кортга чиқди. Серена 1 соату 12 дақиқа давом этган баҳс якунида рақибасини 6/3, 6/4 ҳисобида мағлубиятга учратди. 

Учрашувда 37 ёшли Уильямс 7, 30 ёшли Гёргес эса 5 та эйс зарбасини амалга оширди. Икки теннисчининг ўзаро учрашувларидаги ҳисоб йириклашди - 4:0. Энди Серена Wimbledon турнирининг чорак финал чиптаси учун испаниялик Карла Суарес Наварро билан тўқнаш келади.