08 авг 10:17
Янгиликлар

Теннис

Серена Уильямс Торонтодаги юришини бошлади

Дунёнинг 10-ракеткаси Серена Уильямс Канаданинг Торонто шаҳрида давом этаётган нуфузли теннис турниридаги иштирокини ғалаба билан бошлади.

Америкалик теннис маликаси Rogers Cup турнирининг иккинчи даврасида бельгиялик Элизе Мертенсга қарши кортга чиқди. Серена 1 соату 15 дақиқа давом этган баҳсда рейтингнинг 20-поғонасидан жой олган рақибасини икки сетда ҳам бир хил ҳисобда енгди - 6/3, 6/3.

Бу теннисчиларнинг ўзаро илк учрашуви эди. Энди Серена Уильямс учинчи давра учрашувида россиялик Екатерина Александровага қарши кортга чиқади.