31 авг 09:14
Янгиликлар

Теннис

Серена Уильямс US Open тўртинчи даврасига чиқди

Хабар берганимиздек, АҚШнинг Нью-Йорк шаҳрида “Катта Дубулға” туркумига кирувчи US Open турнири давом этмоқда.

Дунёнинг саккизинчи рақамли теннис маликаси Серена Уильямс АҚШ Очиқ чемпионатидаги навбатдаги ғалабасига эришди. Америкалик теннисчи учинчи давра учрашувида рейтингнинг 44-поғонасидан жой олган чехиялик Каролина Муховани таслим этди - 6/3, 6/2.

Учрашув 1 соату 14 дақиқа давом этган. Бу вақт оралиғида Серена 5 та эйс зарбасини амалга оширди. Бу теннисчиларнинг ўзаро илк учрашуви эди. Энди Уильямс нимчорак финал учрашувида хорватиялик Петра Мартичга қарши кортга чиқади. Мартич латвиялик Анастасия Севастовадан устун келди.