02 май 14:17
Янгиликлар

Теннис

Сергей Фомин 1/2 финал иштирокчисига айланди

Қозоғистоннинг Шимкент шаҳрида теннис бўйича ITF туркумидаги турнир бўлиб ўтмоқда.

М15 тоифасига кирувчи ушбу мусобақада ҳамюртимиз Сергей Фомин ҳам муваффақиятли одимлаяпти. Турнирда биринчи рақам остида таснифланган вакилимиз бироз аввал 1/2 финал йўлланмасини қўлга киритди. Теннисчимиз 71 дақиқа давом этган 1/4 финалда россиялик Бекхан Атлангериевни 6/2, 6/2 ҳисобида мағлубиятга учратди.

Таққослаш учун, Фомин ATP рейтингида 461, Атлангериев 994-поғонадан жой олган. Эртага Сергей финал чиптаси учун германиялик Адриан Отцбахга қарши кортга чиқади.