Сергей Фомин финалда. Унинг бош соврин учун баҳсдаги рақиби - 1228-ракетка!

Қизиғи, ҳамюртимиз финалгача бўлган барча учрашувларини уч сет натижасига кўра ўз фойдасига ҳал қилди. Рақиблар Фоминга жиддий қаршилик кўрсатишяпти. Мусобақада олтинчи рақам остида таснифланган теннисчимиз 1/2 финалда россиялик 22 ёшли Святослав Гулинни 1/6, 7/6(5), 6/2 ҳисобида мағлубиятга учратди. Учрашув 2 соату 18 дақиқа давом этган. 

Таққослаш учун, Сергей Фомин айни пайтда ATP рейтингида 543, турнирнинг 4-ракеткаси бўлган Гулин эса 475-ўринни эгаллаб турибди. Бугун юртдошимиз Анталия турнири бош соврини учун руминиялик Габриэл Гетуга қарши кортга чиқади. 

Рейтингнинг 1228-поғонасидан жой олган бу румин теннисчиси 1/2 финалда турнирнинг 7-ракеткаси, нидерландиялик Стийин Слампни 6/4, 2/6, 7/5 ҳисобида таслим этиб, ўзининг шов-шувли юришини давом эттирди. Фомин - Гету учрашуви бизнинг вақт билан соат 11:00да бошланади.